相应部13相应7经到11经(因缘相应/因缘篇/修多罗)

7. 海洋经

[佛陀]住在舍卫城......"比丘们，假如有人从大海中取出两三滴水。比丘们，你们认为哪个更多：取出的两三滴水，还是大海中的水？"

[比丘们回答]："尊者，大海中的水更多；取出的两三滴水极其微小。与大海中的水相比，取出的两三滴水连百分之一、千分之一、十万分之一都不到。"

[佛陀说]："同样地，比丘们......获得法眼。"这是第七经。

8. 第二海洋经

[佛陀]住在舍卫城......"比丘们，假如大海干涸枯竭，只剩下两三滴水。比丘们，你们认为哪个更多：已经干涸枯竭的大海水，还是剩下的两三滴水？"

[比丘们回答]："尊者，已经干涸枯竭的大海水更多；剩下的两三滴水极其微小。与已经干涸枯竭的大海水相比，剩下的两三滴水连百分之一、千分之一、十万分之一都不到。"

[佛陀说]："同样地，比丘们......获得法眼。"这是第八经。

9. 山经

[佛陀]住在舍卫城......"比丘们，假如有人在喜马拉雅山王旁边放置七粒芥子大小的石子。比丘们，你们认为哪个更大：那七粒芥子大小的石子，还是喜马拉雅山王？"

[比丘们回答]："尊者，喜马拉雅山王更大；七粒芥子大小的石子极其微小。与喜马拉雅山王相比，七粒芥子大小的石子连百分之一、千分之一、十万分之一都不到。"

[佛陀说]："同样地......获得法眼。"这是第九经。

10. 第二山经

[佛陀]住在舍卫城......"比丘们，假如喜马拉雅山王消失殆尽，只剩下七粒芥子大小的石子。比丘们，你们认为哪个更多：已经消失的喜马拉雅山王，还是剩下的七粒芥子大小的石子？"

[比丘们回答]："尊者，已经消失的喜马拉雅山王更多；剩下的七粒芥子大小的石子极其微小。与已经消失的喜马拉雅山王相比，剩下的七粒芥子大小的石子连百分之一、千分之一、十万分之一都不到。"

[佛陀说]："同样地，比丘们，对于已经证悟的圣弟子来说，已经灭尽的苦更多；剩下的苦极其微小。与已经灭尽的苦相比，剩下的苦连百分之一、千分之一、十万分之一都不到，最多只有七次往返。比丘们，法的证悟如此重要，获得法眼如此重要。"这是第十经。

11. 第三山经

[佛陀]住在舍卫城......"比丘们，假如有人在须弥山王旁边放置七粒绿豆大小的石子。比丘们，你们认为哪个更大：那七粒绿豆大小的石子，还是须弥山王？"

[比丘们回答]："尊者，须弥山王更大；七粒绿豆大小的石子极其微小。与须弥山王相比，七粒绿豆大小的石子连百分之一、千分之一、十万分之一都不到。"

[佛陀说]："同样地，比丘们，与已证悟的圣弟子的成就相比，其他外道沙门、婆罗门和游方者的成就连百分之一、千分之一、十万分之一都不到。比丘们，正见者的成就如此伟大，智慧如此广大。"这是第十一经。

证悟相应完结。

其摘要如下：

指甲尖，莲花池，交汇处，两个水[经]，

两个地[经]，两个海[经]，三个山的比喻。

巴利语原版经文

7. Samuddasuttaṃ

　　 80. Sāvatthiyaṃ viharati …pe… “seyyathāpi, bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā mahāsamudde udakan”ti?

　　 “Etadeva bhante, bahutaraṃ, yadidaṃ mahāsamudde udakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ upanidhāya dve vā tīṇi vā udakaphusitāni ubbhatānī”ti. “Evameva kho, bhikkhave …pe… dhammacakkhupaṭilābho”ti. Sattamaṃ.

8. Dutiyasamuddasuttaṃ

　　 81. Sāvatthiyaṃ viharati …pe… “seyyathāpi, bhikkhave, mahāsamuddo parikkhayaṃ pariyādānaṃ gaccheyya, ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā mahāsamudde udakaṃ parikkhīṇaṃ pariyādinnaṃ yāni vā dve vā tīṇi vā udakaphusitāni avasiṭṭhānī”ti?

　　 “Etadeva, bhante, bahutaraṃ mahāsamudde udakaṃ, yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī”ti. “Evameva kho bhikkhave …pe… dhammacakkhupaṭilābho”ti. Aṭṭhamaṃ.

9. Pabbatasuttaṃ

　　 82. Sāvatthiyaṃ viharati …pe… “seyyathāpi, bhikkhave, puriso himavato pabbatarājassa satta sāsapamattiyo pāsāṇasakkharā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta sāsapamattiyo pāsāṇasakkharā upanikkhittā yo vā himavā pabbatarājā”ti?

　　 “Etadeva, bhante, bahutaraṃ yadidaṃ himavā pabbatarājā; appamattikā satta sāsapamattiyo pāsāṇasakkharā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti himavantaṃ pabbatarājānaṃ upanidhāya satta sāsapamattiyo pāsāṇasakkharā upanikkhittā”ti. “Evameva kho …pe… dhammacakkhupaṭilābho”ti. Navamaṃ.

10. Dutiyapabbatasuttaṃ

　　 83. Sāvatthiyaṃ viharati …pe… “seyyathāpi, bhikkhave, himavā pabbatarājā parikkhayaṃ pariyādānaṃ gaccheyya, ṭhapetvā satta sāsapamattiyo pāsāṇasakkharā. Taṃ kiṃ maññatha, bhikkhave, katamaṃ nu kho bahutaraṃ, yaṃ vā himavato pabbatarājassa parikkhīṇaṃ pariyādiṇṇaṃ yā vā satta sāsapamattiyo pāsāṇasakkharā avasiṭṭhā”ti?

　　 “Etadeva, bhante, bahutaraṃ himavato pabbatarājassa yadidaṃ parikkhīṇaṃ pariyādiṇṇaṃ; appamattikā satta sāsapamattiyo pāsāṇasakkharā avasiṭṭhā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti himavato pabbatarājassa parikkhīṇaṃ pariyādiṇṇaṃ upanidhāya satta sāsapamattiyo pāsāṇasakkharā avasiṭṭhā”ti.

　　 “Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṃ dukkhaṃ yadidaṃ parikkhīṇaṃ pariyādiṇṇaṃ; appamattakaṃ avasiṭṭhaṃ. Neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti purimaṃ dukkhakkhandhaṃ parikkhīṇaṃ pariyādiṇṇaṃ upanidhāya yadidaṃ sattakkhattuṃparamatā. Evaṃ mahatthiyo kho, bhikkhave, dhammābhisamayo, evaṃ mahatthiyo dhammacakkhupaṭilābho”ti. Dasamaṃ.

11. Tatiyapabbatasuttaṃ

　　 84. Sāvatthiyaṃ viharati …pe… “seyyathāpi bhikkhave, puriso sinerussa pabbatarājassa satta muggamattiyo pāsāṇasakkharā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta muggamattiyo pāsāṇasakkharā upanikkhittā yo vā sineru pabbatarājā”ti?

　　 “Etadeva, bhante, bahutaraṃ yadidaṃ sineru pabbatarājā; appamattikā satta muggamattiyo pāsāṇasakkharā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sineruṃ pabbatarājānaṃ upanidhāya satta muggamattiyo pāsāṇasakkharā upanikkhittā”ti. “Evameva kho, bhikkhave, ariyasāvakassa diṭṭhisampannassa puggalassa adhigamaṃ upanidhāya aññatitthiyasamaṇabrāhmaṇaparibbājakānaṃ adhigamo neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti. Evaṃ mahādhigamo, bhikkhave, diṭṭhisampanno puggalo, evaṃ mahābhiñño”ti. Ekādasamaṃ.

　　 Abhisamayasaṃyuttaṃ samattaṃ.

　　 Tassuddānaṃ–

　　 Nakhasikhā pokkharaṇī, sambhejja-udake ca dve;

　　 Dve pathavī dve samuddā, tayo ca pabbatūpamāti.